शिक्षा मानिसको जीवनको सबैभन्दा ठूलो धन हो। शिक्षाले मानिसलाई असल र अज्ञानीबीचको भिन्नता छुट्ट्याउने ज्ञान दिन्छ। शिक्षित व्यक्तिले मात्र आफ्नो, परिवारको र समाजको उन्नति गर्न सक्छ।
शिक्षाले हामीलाई पढ्न र लेख्न मात्र सिकाउँदैन, सोच्न, बुझ्न र सही निर्णय लिन पनि सिकाउँछ। शिक्षाले गरिबी हटाउन, रोग र अन्धविश्वासविरुद्ध लड्न र समाजमा सकारात्मक परिवर्तन ल्याउन ठूलो भूमिका खेल्छ। एक शिक्षित नागरिकले देशको विकासमा अमूल्य योगदान पुर्याउन सक्छ।
कर्णालीजस्तो दुर्गम क्षेत्रमा शिक्षाको महत्त्व झनै बढी छ। साधनस्रोतको अभाव भए पनि लगनशील विद्यार्थीहरूले शिक्षाकै बलमा आफ्नो भविष्य उज्ज्वल बनाउन सक्छन्। शिक्षाले नै हाम्रा गाउँबस्तीलाई अगाडि बढाउँछ र समाजमा चेतना ल्याउँछ।
तसर्थ, हामीले शिक्षाको महत्त्व बुझेर मन लगाएर पढ्नुपर्छ। आफूले सिकेको ज्ञान समाजको हितमा प्रयोग गर्नु नै सच्चा शिक्षा हो। शिक्षित भएर असल नागरिक बन्नु र देशको सेवा गर्नु हामी सबैको कर्तव्य हो॥
